Сайлаугүл референдумға барды
Маңғыстау ауданы, Онды ауылының №183 дауыс беру учаскесінде ерекше есімді ақжаулықты ана Сүйірбай Сайлаугүл Қаршығақызы референдумға қатысып, өз таңдауын жасады. Ол елдің тыныштығы мен қоғамдағы маңызды мәселелерге бей-жай қарамай, әрдайым өз пікірін білдіру арқылы жауапкершілігін көрсетіп келеді.
Аудандық учаскелерде тұрғындар тоқтаусыз келіп, өз таңдауын жасауда. Көпшілік белсенділік танытып, референдумның мән-маңызын сезінуде. Сүйірбай Сайлаугүл Қаршығақызының үлгісі – әрбір азамат үшін маңызды шешім қабылдауда өз пікіріңді білдіру қаншалықты құнды екенін айқын көрсетеді.
Оның таңдауы – елдің болашағына деген адалдық пен жауапкершіліктің белгісі. Әрбір азамат маңызды сәттерде белсенділік танытып, өз таңдауын жасау арқылы қоғамның дамуына нақты үлес қоса алады, және бүгінгі таңдау осының дәлелі болды.
