Маңғыстауда Аналар кеңесі орталығы ашылды
Гүлмира Аманжолқызы
|
15.09.2025 15:52
Маңғыстауда Отбасы күні орай Yessenov университетінде «Аналар кеңесі» орталығы ашылды, деп хабарлайды otpannews.kz.
Шараға облыс әкімінің орынбасары Тілеген Әбішов, облыстық аналар кеңесінің төрағасы Аманкүл Джайлханова, университеттің атқарушы вице-президенті Ермек Нұрмағанбет, білім және ғылым саласының өкілдері, аналар кеңесінің мүшелері мен студенттер қатысты.
Жаңа орталықтың мақсаты - отбасылық құндылықтарды дәріптеу, қыз бала тәрбиесіне мән беру, ұлттық салт-дәстүрді сақтау және ұрпақтар арасындағы сабақтастықты нығайту. «Аналар кеңесі» орталығының төрағасы болып Жанымгүл Баймырза тағайындалды.
Орталықта жас ұрпаққа, әсіресе қыз балаларға рухани-адамгершілік тәрбие беру көзделген, сондай-ақ әйелдердің қоғамдық белсенділігін көтеру бағытында түрлі танымдық іс-шаралар өткізіледі. Орталық тәрбие мен тағылымға негізделген бастамалардың алаңына айналмақ, - деді Ш.Есенов атындағы Каспий технологиялар және инжиниринг университетінің басқарма басшысы Жанымгүл Баймырза.
40
Комментарии
Комментарии
Нет комментариев
