Маңғыстауда алаяқтыққа қарсы күрес күшейтілді
Маңғыстау облысында алаяқтыққа қарсы күрес саласында прокурорлық қадағалау шаралары күшейтілді. Бұл туралы Қоғамдық коммуникация орталығында өткен брифингте прокуратураның сотқа дейінгі тергеп-тексерудің заңдылығын қадағалау және қылмыстық қудалау басқармасының бастығы Данияр Төлегенов айтты, деп хабарлайды otpannews.kz.
Спикердің айтуынша, жыл сайын алаяқтар бөтеннің қаражатын иемдену үшін азаматтарды алдаудың жаңа әдістерін ойлап табуда. Елдегі интернет-алаяқтардың құрбандарының қатарына көбіне бұл қоңырау шалушыларға сенетін, желіде сөйлескенде қырағы болмайтын және ақпаратты тексермейтіндер.
- Облыста 10 ай қорытындысына сәйкес алаяқтық 17%-ға төмендеді. Алайда, интернет-алаяқтық 13 пайызға өсті. Жыл басынан бері алаяқтықпен сотқа 336 қылмыстық іс жолданды, оның ішінде 77 іс интернет-алаяқтыққа байланысты. Қазіргі уақытта 241 қылмыстық іс бойынша тергеу жұмыстары жалғасуда. Алаяқтықтың кең таралған түрлері мыналар: инвестициялық схемалар бойынша алаяқтар жоғары кірісті уәде ете отырып, криптовалютаға немесе басқа активтерге «пайдалы» инвестициялық мүмкіндіктер ұсына алады. Әдетте, мұндай схемалар пирамидалар. Бұл инвесторлар үшін айтарлықтай қаржылық шығындарға әкеледі. Аталған схема бойынша 19 қылмыстық іс тіркелді. Тауарларды сатуға қатысты алаяқтық тауарларды немесе қызметтерді ұсынатын платформаларда орын алуы мүмкін. Қаскүнемдер пайдаланушылар төлейтін, бірақ орнына ештеңе алмайтын тауарларды сату туралы жалған жарнамаларды жариялауы мүмкін. Бұл бойынша 37 қылмыстық іс тіркелді. Әлеуметтік желілердің танымалдылығы артқан сайын шабуылдаушылар оларды пайдаланушыларды алдау үшін пайдаланады. Бұған жалған жұмыс ұсыныстары, инвестициялық схемалар және тіркелімдері бұзылған «достардың» хабарламалары кіруі мүмкін. Аталған схема бойынша 3 қылмыстық іс тіркелді. Фишинг арқылы шабуылдаушылар банктердің немесе басқа ұйымдардың ресми веб-сайттарына ұқсайтын жалған веб-сайттарды жасайды. Пайдаланушылар өз деректерін(мысалы, логиндер мен парольдер) енгізу арқылы алаяқтардың құрбаны болады, содан кейін олар бұл ақпарат ақшаны ұрлау үшін пайдаланады. Бұл бойынша облыста 77 қылмыстық іс тіркелді, - деді Данияр Төлегенов.
Брифингте спикер алаяқтардың құрбаны болмау үшін қандай шаралар қабылдау қажеттігін түсіндірді.
- Алаяқтардың құрбаны болмау үшін банк немесе мемлекеттік органның атынан келген хабарламаларға мұқият қарау, жеке мәліметтерді (ЖСН, картаның деректері, SMS-кодтар) ешкімге бермеу қажет. Сондай-ақ, белгісіз сайттарға кірмей, тексерілген ресми көздерді пайдалану, интернет-дүкендерден сатып алмас бұрын пікірлер мен лицензиясын тексеру, қаржы пирамидаларына немесе күмәнді жобаларға инвестиция салудан бас тарту керек. Алаяқтық фактісі орын алған жағдайда дереу полицияға немесе прокуратура органдарына хабарласқан жөн, - деді Данияр Төлегенов.
Спикердің айтуынша, «Заң мен тәртіп» қағидаты аясында алаяқтықтың алдын алу мақсатында «Антифрод-Орталығы» арқылы бірқатар шаралар қабылданды.
- «Заң мен тәртіп» қағидаты аясында полиция департаментімен бірлесіп, облыстық драма театры актерлерінің қатысуымен «Aлаяқ» атты қысқаметражды фильм түсіріліп, бұл фильм әлеуметтік желілерде таратылды. Интернеттегі алаяқтыққа қарсы тұру мақсатында «Cyber-prokuror» телеграмм боты іске қосылды. Сонымен қатар, алаяқтықтың алдын алу мақсатында «Антифрод-Орталығы» арқылы прокурормен санкцияланған тергеу органының қаулысымен жәбірленушілерге дропперлердің шоттарынан 25 миллион теңгеден астам қаражат қайтарылды. Сондай-ақ, 24 миллион теңгеге алаяқтық белгісі бар есепшоттарға тыйым салынды. Интернет-алаяқтық фактілерін тексеру мақсатында 862 оқиға құрылды, - деді Данияр Төлегенов.
