Маңғыстау облысының тұрғындарына жылу үшін 176 млн теңге қайтарылады
Ақмарал Берекет
|
19.08.2025 09:56
ҚР Ұлттық экономика министрлігінің Табиғи монополияларды реттеу комитеті жылу энергиясын есепке алу аспаптары жоқ тұтынушылар үшін жылумен жабдықтау қызметтерінің құнын қайта есептеу жұмыстарын аяқтады, деп хабарлайды otpannews.kz.
Заңнамаға сәйкес, табиғи монополиялар субъектілері сыртқы ауаның нақты температурасына қарай жылу есептеулерін түзетуге міндетті. Осыған байланысты қайта есептеу жүргізіліп, қазақстандықтарға жалпы 1 млрд 554,7 млн теңгеден астам қаржы (ҚҚС-пен бірге) қайтарылады.
Маңғыстау облысы бойынша тұрғындарға қайтарылатын сома 176,7 млн теңгені құрайды.
«Қаражат жеке шоттарда бөлек көрсетіледі – 2024-2025 жылдардағы жаңа жылыту маусымында аванс (сальдо) ретінде немесе 2025 жылдың соңына дейін күнтізбелік жылға есептеледі. Қаражатты қайтару еліміздің барлық өңірлерінде жүзеге асырылады», – деп жазылған комитет хабарламасында.
Қосымша ақпарат алу үшін Маңғыстау облысының тұрғындары Табиғи монополияларды реттеу комитетінің аумақтық департаментіне (7292) 42-16-20 телефоны арқылы хабарласа алады.
171
Комментарии
Комментарии
Нет комментариев
