Маңғыстау облысында заңсыз қоқыс үйінділері анықталды
Ақмарал Берекет
|
23.08.2025 11:40
Маңғыстау облысы аумағында заңсыз қоқыс төгілген 61 орын тіркелді, деп хабарлайды otpannews.kz Ақтау қаласының әкімдігіне сілтеме жасап.
Атап айтқанда, Ақтау қаласында – 17, Жаңаөзен қаласында – 17, Қарақия ауданында – 1, Түпқараған ауданында – 4 және Мұнайлы ауданында – 22 нүкте анықталған.
Осыған байланысты жергілікті әкімдіктер тарапынан арнайы шаралар қабылданып, тазалау жұмыстары жүргізілуде. Қоқысты жою мен жерлерді қалпына келтіру жұмыстары кезең-кезеңімен атқарылып жатыр. Бүгінгі күні 30-ға жуық қоқыс үйіндісі жойылды, қалған нүктелер бойынша жұмыстар жалғасуда.
Іске тазалық қызметтері жұмылдырылып, әрбір нүкте бойынша нақты жоспар жасалған. Бұл мәселе облыс әкімінің тікелей бақылауында.
54
Комментарии
Комментарии
Нет комментариев
