Маңғыстау облысы прокуратурасының үйлестіруімен полиция қызметкерлері мен «Бүркіт» арнайы бөлімшесінің жедел-іздестіру іс-шаралары кезінде Бейнеу ауданының Тұрыш ауылындағы бір үйдің ауласынан киіктердің ұшалары мен мүйіздерін заңсыз сақтау фактісін анықтады, деп хабарлайды otpannews.kz сайты Polisia.kz-ке сілтеме жасап.

Тінту кезінде Қызыл кітапқа енгізілген 9 киіктің ұшасы, 30 мүйізі, сондай-ақ 16 мм калибрлі оқ-дәрілер мен өзге де заттай айғақтар табылып, тәркіленді. 

Бұл дерек бойынша ҚР Қылмыстық кодексінің 339-бабының 1-бөлігіне сәйкес қылмыстық іс тіркеліп, тәркіленген айғақтар сараптамаға жіберілді.

Күдіктіге қатысты бұлтартпау шарасы ретінде елден кетпеу туралы қолхат алынды.