«Келешек мектептері»: Бейнеу ауданында 600 орындық мектептің құрылысы жүріп жатыр
Бейнеу ауданының әкімі Рахымжан Шалбаев «Келешек мектептері» ұлттық жобасы аясында Бейнеу ауылында салынып жатқан 600 орындық мектептің құрылыс жұмыстарымен танысты, деп хабарлайды otpannews.kz аудан әкімдігінің баспасөз қызметіне сілтеме жасап.
Қазіргі уақытта құрылыс жұмыстары толығымен аяқталып, жаңа құрал-жабдықтармен толықтырылуда. Жаңа оқу жылында мектеп пайдалануға берілетін болады.
Құрылыс жұмыстарын «СК Строй» ЖШС атқаруда. Нысандар типтік жобаға сай салынып, барлық заманауи талаптарға толық сәйкес жабдықталған.
Жаңа мектепте бейнебақылау камералары мен дабыл батырмалары, асхана, акт залы, спорт залдары, лингафонды-компьютерлік кабинет, STEM-зертханалар, робототехника және хореография кабинеттері, инклюзив және логопед кабинеттері, демалыс аймақтары мен коворкинг алаңдары, оқушылардың жеке заттарына арналған шкафтар мен қосымша білім беру бөлмелері қарастырылған.
