МАЭК-те жұмысшылар зардап шекті
Бүгін «МАЭК» ЖШС аумағында жазатайым оқиға болды, деп хабарлайды otpannews.kz Еңбек инспекциясы комитетінің Маңғыстау облысы бойынша департаментіне сілтеме жасап.
Еңбек инспекциясының хабарлауынша, №3 турбогенераторда (+6.3 деңгейі) шамамен сағат 14:30-да 18ПН-3 жапқыш арматурасын бұзу кезінде слесарь-жөндеушілер Д. Құрманқұлов пен Ж. Құлмағанбетов ыстық суға күйіп қалды.
Оқиға орнына кәсіпорынның медициналық қызметі шұғыл жетіп, алғашқы медициналық көмек көрсетті, сондай-ақ зардап шеккендерді Маңғыстау облыстық көпбейінді ауруханасына жеткізді. Дәрігерлер Ж.Құлмағанбетовті үйіне жіберді, ал Д.Құрманқұлов ауруханаға жатқызылды.
Еңбек инспекциясы комитетінің Маңғыстау облысы бойынша департаменті арнайы тергеу комиссиясы құрылып, оқиғаның мән-жайы мен себептері жан-жақты зерттелетінін айтты.
