Қазақстанда жануар иелеріне салынатын айыппұл көлемі күрт өседі: нені білу маңызды?
Үкімет үй жануарларын асырау мәдениетін қатаң қолға алуды жоспарлап отыр. Экология вице-министрі Нұркен Шарбиев айыппұлдардың жаңа көлемін жариялады. Орташа есеппен алғанда, айыппұлдар 2,5 есеге өседі, деп хабарлайды otpannews.kz сайты informburo.kz-ке сілтеме жасап.
Негізгі өзгерістер:
Қатыгездік таныту (әкімшілік): Енді жануарға қатыгездік көрсеткені үшін бұрынғы 5 АЕК-тің орнына 30 АЕК (129 750 ₸) көлемінде айыппұл төлеуге тура келеді. Лауазымды тұлғалар үшін бұл сома 50 АЕК-ті құрайды.
Далада қалдыру – жауапкершілікке тарту:
Алғаш рет «жануардан бас тарту» үшін жауапкершілік енгізілуде. Егер үй жануарын баспанаға (приют) өткізбей, жай ғана далаға тастап кетсеңіз, жеке тұлғаларға 30 АЕК (129 750 ₸), ал компанияларға 100 АЕК-ке дейін айыппұл салынады.
Серуендету және асырау:
Жануарларды аулау, асырау немесе серуендету ережелерін бұзу 15 АЕК (64 875 ₸) сомасындағы шығынға әкеп соғады.
Ең қомақты айыппұлдар зиян келтіргені үшін салынады. Жануарды серуендету немесе асырау ережелерін бұзу салдарынан адамдардың денсаулығына немесе өзге біреудің мүлкіне зақым келсе, қатаң жаза қолданылады:
Жеке тұлғалар үшін – 100 АЕК (432 500 ₸).
Қайталап бұзған жағдайда – 150 АЕК-ке дейін.
Заңды тұлғалар үшін – 400 АЕК-ке дейін (1,7 млн ₸).
Басты мақсат – көшелерде тәртіп орнату және үй жануарларының иелерін өз питомцылары үшін жауапкершілікті сезінуге мәжбүрлеу.
