«Мерейлі отбасы» облыстық байқауының жеңімпазы Оспановтар отбасы референдумда дауыс берді
Ауданға танымал, көпке үлгі болып жүрген Оспановтар отбасы да республикалық референдумға қатысып, өз таңдауларын жасады. «Мерейлі отбасы» облыстық байқауының жеңімпазы атанған бұл әулет аудан тұрғындары арасында зор құрметке ие.
Берекелі шаңырақ иелері бүгінде 8 бала тәрбиелеп өсіріп, 21 немере мен 9 шөберенің қызығын көріп отыр. Отбасы мүшелері ел үшін маңызды саяси науқанға белсенді қатысып, азаматтық ұстанымдарын білдірді.
Отбасы ақсақалы референдумның маңыздылығына тоқталып: «Еліміздің болашағы үшін әр азамат өз таңдауын жасауы керек. Біз әрқашан ел бірлігі мен тұрақтылығын қолдаймыз. Сондықтан бүгін отбасымызбен келіп, дауыс беруді парыз санадық», – деді.
Оспановтар отбасының бұл қадамы жас ұрпаққа өнеге болып, қоғамдағы азаматтық жауапкершіліктің айқын көрінісіне айналып отыр.
31
Комментарии
Комментарии
Нет комментариев
