Еліміздің үш қаласында жүргізушісіз такси іске қосылады
kazinform.kz
Жүргізушісіз такси жобасын жүзеге асыруға дайындық жалғасып жатыр. Бұл жөнінде Премьер-министрдің орынбасары – Жасанды интеллект министрі Жаслан Мәдиев мәлімдеді, деп хабарлайды otpannews.kz сайты kazinform.kz-ке сілтеме жасап.
Оның сөзінше, жоба Yandex және inDrive компанияларымен бірлесіп атқарылады.
«Қазір қажетті реттеуші базаны әзірлеу бойынша жұмыс жүргізіліп жатыр. Ол алдағы уақытта технологияны елдің өзге қалаларына енгізуге мүмкіндік береді»,- деді Жаслан Мәдиев.
Жоба үш қалада – Астанада, Алматыда және Қосшыда іске асырылатыны белгілі. Жүргізушісіз такси жүйесін тестілеу 2026 жылдың соңына дейін жалғасады.
65
Комментарии
Комментарии
Нет комментариев
