Ақтауда балаларға арналған шығармашылық акция өтті
OTPANNEWS.KZ. – Ақтауда ерекше білім беруді қажет ететін балаларға қолдау көрсетуге бағытталған «Қуанышты күн» акциясы өтті.
«Қоғамдық келісім» мекемесінің ұйымдастыруымен өткен іс-шара аясында №2 арнайы мектептің тәрбиеленушілеріне «Алақан» креатив студиясы демеушілік қолдау көрсетіп, сурет салу бойынша шығармашылық сабақ ұйымдастырлды.
Маңғыстау облысы ақпарат және қоғамдық даму басқармасының Қоғамдық келісім басшысының орынбасары Мереке Боранова іс-шараның негізгі мақсаты – балаларға көтеріңкі көңіл күй сыйлау, олардың шығармашылық қабілеттерін дамытуға жағдай жасау және қоғамдағы мейірімділік пен жанашырлық құндылықтарын дәріптеуге бағатталғанын атап өтті.
«Іс-шара барысында балалар еркін форматта қылқалам мен бояуларды пайдаланып, өз қиялындағы бейнелерді қағаз бетіне түсіреді. Бұл олардың өнерге деген қызығушылығын арттырып, шығармашылық мүмкіндіктерін көрсетуге мүмкіндік береді,» - деді ол.
Кездесу соңында ұйымдастырушылар балаларға танымдық кітаптарды сыйлады. Шығармашылыққа толы кездесу балаларға ерекше қуаныш сыйлаумен қатар, олардың сурет салуға деген ынтасын арттырды.
