Түпқарағанда есірткі өсімдіктерін заңсыз өсіру дерегі анықталды
Нұргүл Алясова
|
05.09.2025 11:26
скрин
Түпқараған ауданы полиция бөлімінің криминалдық полиция қызметкерлері Ақшұқыр ауылында тұрғынның үйінің ауласына есірткілік өсімдік - қарасораны заңсыз өсіргенін анықтады, деп хабарлайды otpannews.kz.
Маңғыстау облысы полиция департаментінің хабарлауынша, дерек «Қарасора» жедел-профилактикалық іс-шарасы кезінде белгілі болды.
- Тінту кезінде 749 түп қарасора өсімдігі, сондай-ақ ыдысқа салынған кептірілген қарасора және марихуанаға ұқсас оралған шөп тәркіленді. Аталған дерек ҚР Қылмыстық кодексінің 300-бабының 1-бөлігі («Өсіруге тыйым салынған өсімдіктерді егу немесе өсіру») бойынша қылмыстық іс қозғалды, - делінген полиция департаменті таратқан хабарламада.
Полицейлер есірткі құралдарын, психотроптық заттар мен олардың баламаларын заңсыз айналымға енгізу, өндіру, сақтау немесе өсіру – ауыр қылмыс болып саналады және заңмен қатаң жазаланатынын еске салады.
37
Комментарии
Комментарии
Нет комментариев
