Ақтау әуежайында есірткі заттары тәркіленді
Otpan News
|
05.09.2025 13:58
Полиция департаменті
Прокуратураның үйлестіруімен Маңғыстау облысы Полиция департаментінің криминалдық полиция басқармасы қызметкерлері ЖҚАЖ-пен бірлесіп Ақтау қаласының халықаралық әуежайы аймағында арнайы операция жүргізді, деп хабарлайды otpannews.kz.
Маңғыстау облысы полиция департаментінің хабарлауынша, санкцияланған тінтулер нәтижесінде ішінде жалпы салмағы шамамен 50 гр болатын героин салынған 40 капсула бар полиэтилен пакет тәркіленді.
- Бұл дерек бойынша Қазақстан Республикасы Қылмыстық кодексінің 296-бабы 4-бөлігі – аса ірі мөлшерде есірткі заттарын сату мақсатынсыз заңсыз сақтау, тасымалдау, сатып алу, жөнелту дерегі бойынша қылмыстық іс қозғалды. Күдікті уақытша ұстау изоляторына қамалды, - делінген ПД таратқан хабарламада.
Полицейлер арнайы операциялар «Заң және тәртіп» қағидаты аясында заңның үстемдігін, азаматтардың қауіпсіздігін және қоғамдық тәртіпті нығайтуды қамтамасыз етуге бағытталған нашақорлыққа қарсы кешенді жұмыстың бір бөлігі екенін атап өтті.
51
Комментарии
Комментарии
Нет комментариев
