Мұнайлы ауданында көлік саласы бойынша 2026 жылдың І тоқсан қорытындысы
Мұнайлы ауданында 2026 жылдың І тоқсанының қорытындысы бойынша көлік инфрақұрылымын дамыту және тұрғындарға көрсетілетін қызмет сапасын арттыру бағытында бірқатар маңызды жұмыстар атқарылды.
Атап айтқанда, «Қарағанды – Маңғыстау» бағыты бойынша жаңа жолаушылар пойызы іске қосылды. Аталған бағыттағы тасымалдаушы – «Ulytau Express» жауапкершілігі шектеулі серіктестігі. Жаңа теміржол қатынасының іске қосылуы өңіраралық байланысты нығайтып, тұрғындардың жол жүру қолайлылығын арттыруға мүмкіндік береді.
Сонымен қатар, «Маңғыстау – Баянды – Маңғыстау» бағыты бойынша қоғамдық көлік маршруты толық жаңартылды. Маршрут заманауи 5 дана «Yutong» маркалы автобустармен қамтамасыз етіліп, жаңарту деңгейі 100 пайызды құрады. Бұл өз кезегінде жолаушыларға қауіпсіз әрі сапалы қызмет көрсетуге жағдай жасайды.
