Маңғыстауда жұмысшы мамандықтар жылына арналған жастар форумы басталды
Ақтауда жұмысшы мамандықтар жылына арналған «Qazaqgaz jastary» форумы басталды, деп хабарлайды otpannews.kz сайты.
Форумға еліміздің әр өңірінен 70-ке жуық жас қатысып жатыр. Осы жылға дейін аталған форум Астана қаласында өткен. Басты мақсат – кәсіби дағдыларды дамыту, еңбек құндылығын қалыптастыру, жас мамандарды қолдау және компанияның бірыңғай жастар қауымдастығын құру.
– Форум әр өңірден келген үздік жастардың басын біріктіріп, тәжірбие алмасуға мүмкіндік береді. Олардың бір-бірімен танысып, болашақта дамып, өсуіне септігін тигізеді. Біздің компания жастарды қолдайды. Аталған форумды еліміздің әр қалаларында өткізуге тырысамыз, осы жолы Ақтау қаласында өту бұйырып тұр екен, - деді «Qazaqgaz» ұлттық компаниясы АҚ өкілі Әсел Балтабаева.
Форум соңында ұйымдастырушылар белсенді жастарды марапаттап, алғысын білдірді.
