Қазақстанда референдум күні 585 бала дүниеге келді
Елімізде республикалық референдум өткен күні 585 нәресте дүниеге келді. Бір тәуліктің ішінде барлығы 583 босану қабылданды, оның ішінде Ақтөбе және Түркістан облыстарында 2 егіз тіркелген. Жаңа туған нәрестелердің ішінде 310 ұл және 275 қыз бар, деп хабарлайды otpannews.kz сайты ҚР Денсаулық министрлігіне сілтеме жасап.
“Балалардың ел үшін маңызды күні дүниеге келуі — өмірдің жалғасуы мен Қазақстанның болашағының нышаны. Әрбір жаңа азамат – мемлекеттің әрі қарай дамуына, әл-ауқаты мен өркендеуіне деген үміт”,- делінген министрлік хабарламасында.
Еліміздің барлық өңірлерінде медицина қызметкерлері аналар мен жаңа туған нәрестелерге уақтылы әрі сапалы медициналық көмек көрсетіп, жоғары біліктілік пен жауапкершіліктің үлгісі көрсетілді.
58
Комментарии
Комментарии
Нет комментариев
