Қарақияда екі азамат ешкі ұрлады деген күдікке ілінді
OTPANNEWS.KZ – Қарақия ауданының Құланды ауылында екі шаруа қожалығына тиесілі ешкілерді ұрлады деген күдікпен 30 және 31 жастағы екі азамат ұсталды. Жәбірленушілерге келтірілген шығын 150 мың теңге деп бағаланған.
Тергеу мәліметінше, күдіктілер алдын ала келісіп, мал шаруашылығы қожалықтарының бірінен екі меншік иесіне тиесілі ешкілерді жасырын алып кеткен.
Бұл дерек бойынша Қылмыстық кодекстің 188-1-бабы (мал ұрлығы) бойынша қылмыстық іс қозғалды. Екі күдікті де ұсталып, уақытша ұстау изоляторына қамалды.
Қазір сотқа дейінгі тергеу амалдары жалғасып жатыр.
10
Комментарии
Комментарии
Нет комментариев
