Бейнебақылау жүйесі Маңғыстауда 320 қылмысты ашуға көмектесті
OTPANNEWS.KZ – Маңғыстау облысында жыл басынан бері бейнебақылау камералары арқылы 320 қылмыс ашылып, 56 436 әкімшілік құқық бұзушылық анықталған. Бұл туралы облыстық полиция департаменті хабарлады.
Ведомствоның мәліметінше, 2026 жылдың қаңтар-қазан айларында «102» жедел басқару орталығына 290 234 хабарлама түскен. Бұл өткен жылдың сәйкес кезеңімен салыстырғанда 2,5 пайызға аз.
Бұдан бөлек, «Таргитай» бет-әлпетті тану жүйесі арқылы іздеуде жүрген 1 615 адам анықталған. Олардың 101-іне қатысты тиісті шаралар қабылданған.
Ақтау мен Жаңаөзен қалаларында екі жедел басқару орталығы жұмыс істейді. Сонымен қатар облыстың бес ауданында шағын басқару орталықтары тәулік бойы қызмет көрсетеді.
3
Комментарии
Комментарии
Нет комментариев
