Экология министрлігі Каспийдің жағдайына қатысты түсініктеме берді
liter.kz
Мәжілісте өткен брифингте Экология және табиғи ресурстар министрі Ерлан Нысанбаев Каспий теңізінің жағдайына қатысты пікір білдірді, деп хабарлайды otpannews.kz сайты Zakon.kz сайтына сілтеме жасап.
Министр теңіз деңгейінің төмендеуі мен суының ластануы – екі бөлек мәселе екенін нақтылады.
“Соңғы жылдары су сапасының нашарлауынан бүкіл флора мен фауна қырылып қалды деген ақпарат болды ма? Итбалықтарға қатысты оқиға болды, бірақ бұл – инфекциялық ауру. Бұл ақпарат – тиісті ғылыми-техникалық институттардың берген қорытындысы. Қазіргі таңда шешімін іздеп жатқан тағы бір мәселе – су деңгейінің төмендеуі. Бұл – адам әрекетінің нәтижесі, яғни суды қажеттіліктен артық қолданудан туындап отыр”,- деді Нысанбаев.
Оның пікірінше, су деңгейінің төмендеуіне әсер ететін екінші себеп – климаттың өзгеруі.
Сондай-ақ министр аққулар мен итбалықтардың қырылуы мұнай өндірумен байланысты деген пікірді теріске шығарды.
50
Комментарии
Комментарии
Нет комментариев
