Бейнеулік қос балуан «Қазақстан барысы» республикалық турниріне жолдама алды
Маңғыстауда «Қазақстан барысы» республикалық турнирінің облыстық іріктеу кезеңі өтіп, бейнеулік қос балуан Нұрдәулет Жарылғапов пен Нұрсұлтан Папау республикалық турнирге жолдама алды, деп хабарлайды otpannews.kz.
Аудан әкімдігінің баспасөз қызметінің мәліметінше, аудан спортшылары «Қара бура» мен «Ер Бегей» финалда кездесіп, тартысты белдесуде «Қара бура» бірінші орынды иеленді.
Екі мәрте «Қазақстан барысы» турнирінің күміс жүлдегері атанған «Қара бураның» бұл жетістігі аудан спортының деңгейін тағы бір дәлелдеді.
Айта кетейік, бұған дейін аудандық деңгейде өткен «Бейнеу барысы» іріктеу жарысында ауылдық округтерден 12 балуан бақ сынап, нәтижесінде Досжан Оралбаев мен Нұрсұлтан Папау облысқа жолдама алған болатын.
68
Комментарии
Комментарии
Нет комментариев
