Ұлттық ауылшаруашылығы санағы өтеді
Қазақстан Республикасы Үкіметінің 2023 жылғы 29 желтоқсандағы №1248 «2025 жылы ҚР Ұлттық ауылшаруашылығы санағын жүргізу туралы» Қаулысыны сәйкес 2025 жылдың 1 тамызы мен 20 қазан аралығында ҚР Ұлттық ауылшаруашылығы санағы өтеді.
Ұлттық ауылшаруашылығы санағы 2025 жылғы 1 тамыз бен 20 қазан аралығында өтеді. Бұл ауқымды статистикалық байқау Мемлекет басшысының тапсырмасы мен Үкіметтің шешімі бойынша жүргізіледі. Ол онлайн және офлайн бөліктен тұрады. Онлайн санақ sanaq.gov.kz сайтында 1-31 тамыз аралығында өтеді. Барлық заңды тұлғалар, фермерлер мен шаруа қожалықтары сауалнамадан өз бетінше өтуі керек. Сондай-ақ үй шаруашылықтары да сауалнамаға онлайн қатыса алады.
Офлайн санақ 20 қыркүйек пен 20 қазан аралығында өтеді. Интервьюерлер онлайн сауалнамадан өтпеген үй шаруашылықтарын аралап шығады. Sanaq.gov.kz сайтында сауалнамадан өту мүмкіндігі 1 тамыз күні сағат 00:00-де іске қосылады. Сауалнамаға жауап беру үшін ЭЦҚ, SMS немесе eGovMobile қосымшасындағы QR-код арқылы авторизациядан өту қажет. Сайтта сауалнаманы толтыруға көмектесетін көмекші бот, бейненұсқаулық болады. Сондай-ақ тәулік бойы жұмыс істеп, сұрақтарға жедел жауап беретін SANAQ мырза чат-боты бар. Тамыз айы 1446 бірыңғай байланыс орталығы тәулік бойы жұмыс істейді. Онда ауыл шаруашылығы санағы бойынша арнайы желі қарастырылған.
Мамандар тіркеуден өту, техникалық ақаулар немесе сұрақтардың мазмұны бойынша кез келген сауалнамаға жауап береді. Құрметті Маңғыстаулықтар ауылшаруашылығы санағына белсене қатысуды сұраймыз.
