Сайөтесте қазақ күресінен үздіктер анықталды
Сайөтес ауылының 60 жылдық мерейтойы аясында ұйымдастырылған спорттық шаралардың бірі – қазақ күресі сайысы ерекше тартысқа толы өтті. Жарыс 66 және 82 келі салмақ дәрежелерінде өтіп, бозкілемге барлығы 50-ге жуық балуан шықты, деп хабарлайды otpannews.kz Маңғыстау ауданының әкімдігіне сілтеме жасап.
Көрермен нағыз спорт мерекесіне куә болып, балуандардың шеберлігін тамашалады. Тартысты белдесулердің нәтижесінде жеңімпаздар анықталды.
66 келі салмақ дәрежесінде бірінші орынды Жаңаөзен қаласының балуаны Мерей Махамбетов, екінші орынды Маңғыстау ауданынан келген Нұрсұлтан Қуантқан, үшінші орынды Ақтау қаласының өкілі Диас Жолдыбай иеленді. Ал 82 келі салмақта ақтаулық Рауан Салық жеңімпаз атанып, екінші орын Маңғыстау ауданынан келген Қанат Әбітұлына, үшінші орын Ақтау қаласының балуаны Жалал Құрманбаевқа бұйырды.
Жарыс жеңімпаздарына арнайы дипломдар мен естелік сыйлықтар табысталды.
