Онколог мамандар маңғыстаулықтарға тегін кеңес береді
22 қарашада Маңғыстау облыстық онкологиялық диспансерінде «Ашық есік» күні өтеді. Денсаулық акциясы сағат 09:00-де басталып, 13:00-ге дейін жалғасады. Осы уақыт аралығында өңір тұрғындары тегін тексеруден өтіп, дәрігерлерден кеңес ала алады, деп хабарлайды otpannews.kz мекеменің баспасөз қызметіне сілтеме жасап.
Шараның мақсаты – қатерлі ісік ауруларының алдын алу және халықтың сауаттылығын арттыру. Дәрігерлердің айтуынша, әр адамның жылына кемінде бір рет скринингтік немесе профилактикалық тексеруден өтіп тұруы денсаулықты бақылауда ұстауға мүмкіндік береді.
Айта кетейік, «Ашық есік» күні аясында барлық тексеру мен кеңес тегін көрсетіледі. Тұрғындардан тек жеке куәлігін алып келу талап етіледі.
Мекенжай: Ақтау қаласы, 1-шағынаудан 3-ғимарат.
50
Комментарии
Комментарии
Нет комментариев
