Маңғыстауда мереке күндері қоғамдық көлік тегін болады
Маңғыстау облысында 8, 14 және 15 наурыз күндері қоғамдық көлік жолаушыларға тегін қызмет көрсетеді, деп хабарлайды otpannews.kz Қоғамдық коммуникация орталығына сілтеме жасап.
Облыстық жолаушылар көлігі және автомобиль жолдары басқармасының мәліметінше, 8 наурыз – Халықаралық әйелдер күніне, ал 14-15 наурыз – Амал мерекесіне орай тұрғындар автобуспен ақысыз қатынай алады.
Тегін жол жүру мүмкіндігі Бейнеу, Түпқараған, Қарақия, Мұнайлы және Маңғыстау аудандарының ішкі бағыттарында, сондай-ақ Ақтау мен Жаңаөзен қалаларының қалаішілік маршруттарында қарастырылған.
Айта кетейік, мереке күндері ауданаралық және қалааралық бағыттарға жүретін автобустар тегін қызмет көрсетпейді.
50
Комментарии
Комментарии
Нет комментариев
