Қазақстанда зейнетақы жүйесін реформалау жоспарлануда
Қазақстанның Еңбек және халықты әлеуметтік қорғау министрі Асқарбек Ертаев 2026 жылғы 2 маусымда Үкіметте өткен баспасөз мәслихатында зейнетақы жүйесін реформалау бойынша қандай нұсқалар қарастырылып жатқанын айтты, деп хабарлайды otpannews.kz сайты zakon.kz сілтеме жасап.
«Зейнетақы реформасы қайта қаралады. Тиісті тапсырма бар. Біз қазір жұмыс тобы аясында үш жобаны қарастырып жатырмыз. Екі қордан түскен ұсыныстар бар. БЖЗҚ «төрт плюс бір» жобасын ұсынуда. Мемлекеттік әлеуметтік сақтандыру қоры сақтандыру зейнетақысын ұсынып отыр. Сондай-ақ Сенат депутаты Нұғманов мырзадан да ұсыныс бар. Егер азамат 40 жыл жұмыс істесе, ол зейнетке шыға алады. Жұмыс тобының отырысында үш жоба қаралуда. Айдың соңына дейін реформаның қандай болатынын жариялаймыз», - деді министр.
Асқарбек Ертаев Қазақстанда зейнетке шығу жасы қайта қаралмайтынына сендірді.
49
Комментарии
Комментарии
Нет комментариев
