Ақтаулық жас спортшылар ММА Азия чемпионатында топ жарды
Гүлмира Аманжолқызы
|
03.09.2025 09:33
Бахрейннің Манама қаласында 28–31 тамыз аралығында өткен жасөспірімдер арасындағы алғашқы Азия чемпионатында ақтаулық спортшылар Артём Саакян мен Абдулла Камиев чемпион атанды, деп хабарлайды otpannews.kz.
15 жастағы Артём Саакян 60 келіге дейінгі, ал Абдулла Камиев 50 келіге дейінгі салмақ дәрежесінде өнер көрсетіп, өз қарсыластарын айқын басымдықпен жеңді. Додаға әлемнің 19 елінен келген жас спортшылар қатысты.
Жеңімпаздарды Ақтау халықаралық әуежайынан Маңғыстау облыстық Қазақстан халқы Ассамблеясы және Аналар кеңесінің мүшелері салтанатты түрде күтіп алды.
Спортшылар өз жеңістерін туған жеріне, ата-анасына және жаттықтырушыларына арнап, ерекше қолдау білдіргендері үшін алғысын айтты.
56
Комментарии
Комментарии
Нет комментариев
