Ақтауда дәстүрлі бірыңғай есеп беру күні өтті
Маңғыстауда кәсіпкерлердің құқықтық сауатын арттыру мақсатында бірыңғай есеп беру күні ұйымдастырылды. Іс-шараның мақсаты – мемлекеттік бақылау мен қадағалау мәселелелері бойынша міндетті талаптардың бұзылуын алдын алу, деп хабарлайды otpannews.kz.
Алқалы жиынға мемлекеттік мекеме өкілдері, облыстық бақылау-қадағалау органдары мен өңір кәсіпкерлері қатысты. Кездесу барысында кәсіпкерлікті дамытуға серпін беретін бастамалар талқыланды.
Бұл шара кәсіпкерлердің құқықтық сауаттылығын арттыруға, сондай-ақ мемлекеттік органдардың бизнес-қауымдастықпен кері байланысын қалыптастыруға көмектеседі.
Шарада бизнес субъектілеріне құқықтық түсіндіру жұмыстары жүргізіліп, әкімшілік құқық бұзушылықтардың алдын алу маңыздылығы айтылды. Сондай-ақ кездесудің басты міндеті - кәсіпкерлердің құқықтық сауаттылығын арттыру және мемлекеттік органдар мен бизнес-қоғамдастық арасында тиімді кері байланыс орнату. Бұл шара жыл сайын қыркүйек айында ұйымдастырылады, - деді Маңғыстау облыстық сауда және тұтынушылардың құқықтарын қорғау департаментінің басшысы Рауан Мұхаев.
Шара соңында қатысушылар өз ұсынысын айтып, кездесуде көтерілген мәселелер бойынша пікір алмасты.
125
Комментарии
Комментарии
Нет комментариев
