АЭС атауына арналған конкурс: Тәулік ішінде 10 мыңға жуық өтінім келіп түсті
ҚР Атом энергиясы жөніндегі агенттігі
АЭС-ке ең үздік атау беру жөніндегі жалпыхалықтық конкурс 25 қыркүйекте жарияланды. Байқауға 1 күннің ішінде 9 945 ұсыныс келіп түскен, деп хабарлайды otpannews.kz сайты.
- Байқауға қатысу eGov Mobile мобильді қосымшасы арқылы жүргізіледі: басты бетте «АЭС-ке атау ұсыныңыз» деген баннер орналастырылған. Бастаманың мақсаты – болашақ станцияның тарихи, мәдени және ұлттық маңызын айқындайтын атауды таңдау,- делінген ҚР Атом энергиясы жөніндегі агенттігінің мәліметінде.
Айта кетейік, байқауға еліміздің кез келген тұрғыны қатыса алады. Ол үшін:
- тілді таңдау (қазақ немесе орыс);
- атаудың өз нұсқасын ұсыну;
- қажет болған жағдайда оның мәнін қысқаша түсіндіру;
- конкурстың ресми ережелерімен танысқанын растау қажет.
Ұсыныстар 2025 жылғы 10 қазан сағат 23:59-ға дейін қабылданады. Конкурстың ережелерімен ҚР Атом энергиясы жөніндегі агенттігінің ресми сайтында және ведомствоның әлеуметтік желілеріндегі парақшаларында танысуға болады.
92
Комментарии
Комментарии
Нет комментариев
