Тыл ардагерлері референдумда дауыс берді
Бүгінгі референдумда Мұнайлы ауданының тыл ардагерлері де саяси науқаннан шет қалмай, өз таңдауларын жасады. Солардың бірі Қызылтөбе ауылдық округіндегі Тасанов Нұрым және Дәулет ауылдық округіндегі Екібаева Алмажан. Ел үшін еңбек етіп, қиын кезеңдерді бастан өткерген ардагерлер азаматтық белсенділіктің үлгісін көрсетті.
Ардагерлердің айтуынша, ел болашағына қатысты маңызды шешім қабылданатын сәтте әрбір азаматтың дауыс беруі – үлкен жауапкершілік. Олар кейінгі ұрпаққа бейбіт өмір мен тұрақтылықтың қадірін түсініп, қоғамдық өмірге белсенді қатысу керектігін атап өтті.
Тыл ардагерлерінің референдумға қатысуы – отансүйгіштік пен елге деген жанашырлықтың жарқын көрінісі болды.
33
Комментарии
Комментарии
Нет комментариев
