Сыбайлас жемқорлық фактісін хабарлағандарға 24,2 млн теңге сыйақы берілді
Ұлттық қауіпсіздік комитеті 2025 жылы 895 адамның заңсыз әрекетінің жолын кесті, деп хабарлайды otpannews.kz cайты.
2025 жылы 1 052 қылмыстық іс қозғалып, 969-ына қатысты тергеу аяқталды, оның 860-ы сотқа жолданды.
“Сыбайлас жемқорлық фактілерінің басым бөлігі пара алу және бюджет қаражатын ұрлау сияқты қылмыстарға қатысты. Ел бюджетіне 16,1 млрд теңге қайтарылды. Құны 3,3 млрд теңге болатын мүлікке тыйым салынды”,- деп бөлісті ҰҚК баспасөз қызметі.
Сондай-ақ сыбайлас жемқорлық фактілері туралы хабарлағаны үшін 61 адамға 24,2 млн теңге сомасында сыйақы берілген.
54
Комментарии
Комментарии
Нет комментариев
