Православ христиандары Рождество мерекесін атап өтті
Ақтауда православ христиандары христиан күнтізбесінің негізгі мерекелерінің бірі - Рождествоны атап өтті. Олар үшін бұл күн бірлікті, мейірімділік пен қуанышты бейнелейтін ерекше рухани мағынаға ие, деп хабарлайды otpannews.kz.
Рождестволық сочельник дәстүрлі түрде Христостың Рождествосы қарсаңында 6 қаңтарда атап өтіледі. Бұл күні Благовещение шіркеуінде корольдік сағаттар мен әулие Василий Ұлының Литургиясы өткізілді. Жиналғандарды Ақтаудағы Благовещение шіркеуінің басшысы протоиерей Сергей құттықтады, содан кейін құлшылық ету рәсімдері басталды.
- Бұл күндері жақсылық істеп, мейірімділік танытқан жөн. Яғни игі істер атқаратын уақыт. Айналамызға сүйіспеншілікпен, құрметпен қараған дұрыс. Сонда ғана Рождествоның мән-маңызы арта түседі, - Ақтаудағы Благовещение шіркеуінің священнигі Михаил Соколов.
Мерекенің басты оқиғаларының бірі түнгі құлшылық болды. Бұл кеште көптеген адам шіркеуге отбасыларымен келді.
– Әр жексенбі сайын православие христианына лайықты түрде ғибадатқа қатысуға тырысамын. Баршаңызды Рождествоның жарқын мерекесімен құттықтаймын. Осы мейрамда баршаңызға жақсылық, қуаныш пен бақыт тілеймін, – деп құттықтады қала тұрғыны Евгений Белов.
