Онды ауылында оқушы жасанды интеллект көмегімен анимациялық фильм жасады
Маңғыстау облысының Онды ауылында Ә.Кекілбайұлы атындағы мектептің 9 сынып оқушысы Ермек Жәнібекұлы жасанды интеллект технологиясын пайдалана отырып «Жан мен Ту» атты анимациялық фильм әзірледі. Туынды тарихи деректерге негізделе отырып жасалған, деп хабарлайды otpannews.kz.
Ермек жобаны жүзеге асыру үшін жасанды интеллект мүмкіндіктерін кеңінен қолданып, сценарий жазу, визуалды бейнелерді әзірлеу және бейнемонтаж жұмыстарын орындады.
- Бұл мультфильмді жасаудағы ойым – өз қатарластарыма тарихты жақын әрі түсінікті тілде жеткізу. Ту – жай ғана рәміз емес, ол біздің рухымыздың белгісі. Сол сезімді анимация арқылы көрсеткім келді, - деді Ермек Жәнібекұлы.
Қазіргі кезде оқушы Маңғыстау телеарнасы ұйымдастырған жасанды интеллект байқауына қатысып жатыр.
5
Комментарии
Комментарии
Нет комментариев
