Маңғыстауда «Ақтау - Түркі әлемінің мәдени астанасы» жылының жабылу салтанаты өтеді
Ақтауда 28 қараша күні «Ақтау - Түркі әлемінің мәдени астанасы» жылының жабылу салтанаты ұйымдастырылады. Бұл туралы Қоғамдық коммуникация орталығында өткен брифингте өңірлік мәдениет, тілдерді дамыту және архив ісі басқармасының басшысы Нұртас Сали айтты, деп хабарлайды otpannews.kz.
Спикердің айтуынша, салтанатты жабылу рәсіміне ТҮРКСОЙ-ға мүше елдердің мәдениет министрлері, халықаралық түркі мемлекеттері ұйымдарының басшылары, сондай-ақ белгілі мәдениет қайраткерлері мен халықаралық сарапшылар қатысады деп жоспарланған.
Бағдарлама аясында 26 қараша күні ТҮРКСОЙ ұйымының сарапшылар жиыны өтеді. 28 қараша күні халықаралық түркі мәдениеті ұйымының 42-тұрақты кеңес отырысы өтеді. Жабылу салтанатына Әзербайжан, Қырғызстан, Өзбекстан, Түркия, Түрікменстан Республикаларынан 100-ден астам шығармашылық ұжым және Қазақстанның өнерпаздары қатысады. Іс-шара аясында Өзбекстан Республикасының ресми делегациясына «Түркі әлемінің астанасы» эстафетасы табысталады, - деді Нұртас Сали.
Сондай-ақ, бағдарлама аясында мерекелік концерт ұйымдастырылады.
41
Комментарии
Комментарии
Нет комментариев
