Маңғыстау облысы бойынша ішкі мемлекеттік аудит департаменті бюджет қаражатының ысырап болуын болдырмауға шақырады
Маңғыстау облысы бойынша ішкі мемлекеттік аудит департаменті (бұдан әрі - Департамент) ата-аналарды балалары білім беру ұйымдарын (балабақшаларды, мектептерді, үйірмелер мен секцияларды) ауыстырған кезде барынша мұқият әрі жауапты болуға шақырады.
Мемлекеттік тапсырыс (жанбасылық қаржыландыру) аясында бөлінетін бюджет қаражатының пайдаланылуына жақында жүргізілген аудиторлық тексерістер барысында мемлекет іс жүзінде бұл мекемелерге бармайтын балалардың оқуы үшін ақша төлеуді жалғастыра берген жағдайлар анықталды. Бұған басты себеп - ұйымдардың кеткен балаларды Ұлттық білім беру деректер базасынан (ҰОДБ) уақытылы шығармауы болды.
Егер Сіздің балаңыз басқа мекемеге ауысуына байланысты жекеменшік балабақшаға, мектепке немесе дамыту орталығына (соның ішінде мемлекеттік спорттық немесе шығармашылық тапсырыс бойынша) баруды тоқтатса, өтініш білдіріп, есептен шығару туралы ресми арызды дереу жазыңыз.
Сіздің арызыңыз негізінде ұйым баланы деректер базасынан тез арада шығаруға міндетті. Бұл бұрынғы ұйымның шотына «оқушы үшін» мемлекеттік ақшаның автоматты түрде аударылуын тоқтатады.
Баланы уақытылы есептен шығару сол мекемеге шынымен мұқтаж және кезекте тұрған басқа балалар үшін заңды субсидияланатын орынды босатады.
Мемлекеттік бюджет азаматтардың салығынан құралады, сондықтан ол тек балалардың нақты қажеттіліктеріне ғана жұмсалуы тиіс. Департамент ата-аналардан өтініш беруді созбай, бюджет қаражатының мақсатсыз жұмсалуын тоқтатуға және тәртіп орнатуға көмектесуді сұрайды.
Л.Акботина
Маңғыстау облысы бойынша ішкі
мемлекеттік аудит департаментінің
сәйкестік аудиті бөлімінің
бас маманы мемлекеттік аудиторы
