Ақтаудан Дубайға тікелей әуе рейсі қайта жанданады
OTPANNEWS.KZ. - Маңғыстау облысының тұрғындары енді Ақтаудан Дубайға тікелей қатынай алады. FlyArystan әуе компаниясы Ақтау – Дубай – Ақтау бағыты бойынша тұрақты рейстерді қайта іске қосады. Алғашқы рейс 21 қарашаға жоспарланған.
Ұшу кестесіне сәйкес, сейсенбі күндері әуе кемесі Ақтаудан сағат 05:15-те ұшып, Дубайға 09:50-де қонады. Кері рейс 10:55-те орындалып, Ақтауға 17:25-те жетеді.
Ал сенбі күндері Ақтаудан ұшу уақыты – 07:20, Дубайға қону – 11:55. Дубайдан кері рейс 13:00-де ұшып, Ақтауға 19:30-да келеді. Барлық уақыт жергілікті уақытпен көрсетілген.
Айта кетейік, Қазақстан азаматтары Біріккен Араб Әмірліктеріне 30 күнге дейін визасыз бара алады. Бұл ретте паспорттың жарамдылық мерзімі кемінде алты ай болуы қажет.
3
Комментарии
Комментарии
Нет комментариев
