Ақтауда тренд түсірген қыздардың көлігі айыптұраққа қойылды
АҚТАУ. OTPANNEWS.KZ – Әлеуметтік желіде тараған бейнематериалға байланысты бірнеше құқық бұзушылық фактісі анықталды. Жарияланған видеода көлік иелері жол қозғалысын шектеген. Бұл туралы Ақтау қаласы Полиция басқармасы мәлімдеді.
Полицияның хабарлауынша, 2026 жылғы 7 қазанда әлеуметтік желілерде жарияланған ақпарат зерделеніп, көлік құралдарының тоқтап тұру қағидаларын бұзу және жеке басын куәландыратын құжаттардың болмауына қатысты фактілер анықталған.
Аталған құқық бұзушылықтар бойынша тиісті әкімшілік хаттамалар толтырылып, көлік құралдары уақытша айыптұраққа қойылды.
Қазіргі таңда аталған фактілер бойынша қолданыстағы заңнама талаптарына сәйкес тиісті жұмыстар жүргізіліп жатыр.
56
Комментарии
Комментарии
Нет комментариев
