Ақтауда әйелдер кәсіпкерлігін дамытуға арналған форум өтеді
OTPANNEWS.KZ – 28 қазан күні Ақтау қаласында «Әйелдер кәсіпкерлігін дамыту: мүмкіндіктер мен жаңа бағыттар» атты форум өтеді. Іс-шара кәсіпкер әйелдерді қолдауға, олардың тәжірибе алмасуына және бизнесті дамытуға арналған жаңа мүмкіндіктерді талқылауға бағытталған.
Форум аясында қатысушылар өздерінің кәсіпкерлік тәжірибелерімен бөлісіп, тың идеялармен танысады. Сондай-ақ бизнесті дамыту жолдары, жаңа бағыттар мен іскерлік мүмкіндіктер жөнінде пікір алмасады.
Іс-шараға кәсіпкер әйелдер, іскерлік орта өкілдері және жеке кәсібін ашуға ниетті азаматтар қатыса алады.
Форум 28 қазан күні сағат 10:00-де Ақтау қаласындағы «Хан Шахар» салтанат сарайында өтеді.
Ұйымдастырушылар кәсіпкерлікке қызығушылық танытқан жандарды форумға қатысып, жаңа мүмкіндіктермен танысуға шақырады.
