16 тамыз күні Маңғыстауда «Ақтау – Түркі әлемінің мәдени астанасы» жобасы аясында өткен «Ақ Мая Fest» шұбат фестивалі өтті. Айрақты тауының баурайында өткен мәдени іс-шарадан кейін табиғаттың тазалығы да назардан тыс қалмады.

Фестивальден соң белсенді жастар, еріктілер мен тұрғындар «Таза Қазақстан» экологиялық акция аясында фестиваль ұйымдастырылған аумақты қоқыстан тазартты. Олар концерт кезінде жиналған пластик бөтелкелер мен қағаз қалдықтарды арнайы қаптарға жинап, табиғаттың тазалығы мен әсем көрінісін сақтауға үлес қосты.