Айрақтыда ерекше форматта өткен«Ақ Мая Fest» фестивалінде көрермен назарына лазер мен дрон-шоу ұсынылды, деп хабарлайды otpannews.kz.

Түнгі аспанды түрлі-түсті жарықтармен көмкерген лазер мен дрондардың үйлесімі фестивальдің әсерін еселей түсті. Арнайы сценарий бойынша дайындалған шоу ұлттық нақыштағы визуалды бейнелер мен заманауи технологияның тоғысын бейнеледі. 

Бұл фестиваль Маңғыстау тауларының баурайында алғаш рет ұйымдастырылған шоу болып отыр. Кеш қонақтары бұл сәттен әсер алып, ерекше әсерге бөленді.