Mangystau Hub-та Pizza Pitch: AI Edition стартаптар байқауы сәтті өтті
3 қазанда Mangystau Hub-та Astana Hub халықаралық IT-стартаптар технопаркінің қолдауымен жас стартаперлерге арналған Pizza Pitch: AI Edition стартаптар шарасы өтті, - деп хабарлайды otpannews.kz.
Шара аймақтағы IT қауымдастығын біріктіріп, қатысушыларға өздерінің инновациялық жобаларын таныстыруға және сарапшылардан құнды кері байланыс алуға мүмкіндік берді.
Байқауға 7 жоба іріктеліп, өз стартаптарын қорғап, жасанды интеллект саласындағы жаңа шешімдер ұсынды. Қатысушылар жоғары дайындық деңгейін көрсетіп, болашағы зор стартаптарын таныстырды.
Байқаудың жеңімпаздары смарт-колонкалармен марапатталды. Барлық қатысушылар байқауға қатысқандары үшін арнайы сыйлық ретінде смарт-колонкалар алды. Бұл олардың стартаптарын әрі қарай дамытуға ынталандырды.
Pizza Pitch: AI Edition байқауының жеңімпаздары:
🥇 I орын — «Easy Future» командасы
🥈 II орын — «TanymHelp» командасы
🥉 III орын — «Safe Eyes» командасы
Шара барысында қатысушылар мен көрермендерге арнайы кәсіби фотограф пен фотобудка ұйымдастырылды. Сонымен қатар, дәстүрлі түрде @dodopizza_aktau ұсынған дәмді пиццалармен қонақтар қуантылды, бұл бейресми қарым-қатынас атмосферасын жақсарта түсті.
Pizza Pitch: AI Edition байқауы аймақтағы стартап экожүйесінің дамуына үлкен қызығушылықтың бар екенін көрсетті және технологияларды ілгерілету үшін маңызды алаңға айналды. Ұйымдастырушылар жас кәсіпкерлердің идеяларын жүзеге асыруды қолдау мақсатында осындай шараларды тұрақты түрде өткізуді жоспарлап отыр.
