Жол үстінде торт әзірлеген: Қауіпті видео түсірген ерлі-зайыпты жауапқа тартылды
Түркістан облысының Сарыағаш ауданында көліктің люгінен денесін шығарып, жол үстінде торт әзірлеген әйелдің видеосы әлеуметтік желіде тарады. Қауіпті кадр полиция назарына ілініп, тәртіп сақшылары KIA Ceed автокөлігін және оның жүргізушісін жедел анықтады, деп хабарлайды otpannews.kz.
“Тексеру барысында көлікті 36 жастағы ер адамның басқарғаны, ал 35 жастағы әйел люктен шығып, торт әзірлегені белгілі болды. Жол қозғалысы қауіпсіздігі талаптарын бұзған ерлі-зайыптыға қатысты тиісті әкімшілік шаралар қабылданды ”, деп мәлімдеді ІІМ-нің баспасөз қызметі.
Полиция әлеуметтік желіге контент түсіру кезінде жол қауіпсіздігі талаптарын сақтауға шақырды. Ведомствоның ескертуінше, әсерлі кадр үшін жасалған мұндай қауіпті әрекеттер адам өміріне қауіп төндіріп, қайғылы жағдайға әкелуі мүмкін.
70
Комментарии
Комментарии
Нет комментариев
