Жеке қабылдау: Маңғыстаулықтар ТЖД басшысына тікелей сауал қоя алады
16 маусым күні Маңғыстау облысы Төтенше жағдайлар департаменті бастығының міндетін атқарушы, азаматтық қорғау подполковнигі Рәтбек Қожахметұлы Демеуберген азаматтарды жеке қабылдайды, деп хабарлайды otpannews.kz.
Қабылдау барысында тұрғындар өрт қауіпсіздігі, өнеркәсіптік қауіпсіздік, азаматтық қорғаныс және кадр мәселелеріне қатысты сұрақтарын қойып, өз ұсыныстары мен өтініштерін жеткізе алады.
Төтенше жағдайлар департаменті халықпен ашық диалог орнату азаматтарды толғандырған мәселелерді шешудің маңызды тетігі екенін атап өтті. Осыған байланысты тұрғындарға салаға қатысты өзекті сұрақтарын тікелей басшылыққа қою мүмкіндігі ұсынылады.
Жеке қабылдауға жазылу үшін алдын ала 8 (705) 784-82-40 байланыс нөміріне хабарласу қажет.
77
Комментарии
Комментарии
Нет комментариев
