Нұрдәулет Жарылғапов Маңғыстау қоржынына алтын жүлде салды
Қазақ күресінен ересектер арасындағы Қазақстан чемпионатында Маңғыстау облысының палуаны Нұрдәулет Жарылғапов +100 келі салмақ дәрежесінде жеңімпаз атанды, деп хабарлайды otpannews.kz.
«Қара бура» лақап атымен танымал жерлесіміздің жеке жаттықтырушысы – Қайрат Бурбасов. Шымкент қаласында өтіп жатқан дүбірлы додада еліміздің түкпір-түкпірінен 500-ге жуық спортшы, оның ішінде Маңғыстау облысынан 27 палуан қатысып жатыр.
+100 келі салмақ дәрежесіндегі белдесу нәтижесі:
І орын – Нұрдәулет Жарылғапов (Маңғыстау облысы)
ІІ орын – Қайсар Шамшидинов (Түркістан облысы)
ІІІ орын – Данил Федоров (Жамбыл облысы)
ІІІ орын – Нұрсұлтан Қожагелдіұлы (Шымкент қаласы)
Ел чемпионатында топ жарған Нұрдәулет Жарылғапов 2026 жылы Қырғызстанда өтетін VI Дүниежүзілік көшпенділер ойындарына, сондай-ақ Әлем чемпионатына қатысуға жолдама алды.
Айта кетейік, ол бұған дейін «Qazaqstan Barysy – 2025» турнирінде қола белбеу иегері атанған еді.
