Маңғыстау облыстық Қазақтелеком филиалының ұжымы жаңа Конституцияны қолдайды
Маңғыстау облыстық Қазақтелеком филиалының ұжымы жаңа Конституцияға қолдау білдірді. Филиалда өңірдің телекоммуникациялық инфрақұрылымын дамыту мен үздіксіз байланысты қамтамасыз ететін 200-ден астам маман еңбек етеді.
Маңғыстау облыстық Қазақтелеком филиалы аймақтың әлеуметтік-экономикалық дамуында маңызды орын алады. Кәсіпорын халық пен ұйымдарды заманауи байланыс қызметтерімен және цифрлық сервистермен қамтамасыз етеді. Кәсіпорынның тұрақты жұмысы өңір тұрғындарының өмір сапасын арттыруға және цифрлық экожүйені нығайтуға ықпал етеді.
Маңғыстау облыстық Қазақтелеком филиалының директоры Нұркен Сүйепов ұжыммен бірге сөз сөйлеп, алдағы өзгерістердің маңыздылығын атап өтті.
-Филиал ұжымы Президенттің жаңа Конституция қабылдау бастамасын қолдайды. Ұсынылып отырған өзгерістер елдің одан әрі дамуына, азаматтық қоғамның рөлін күшейтуге және әділдік пен жауапкершілік қағидаттарын нығайтуға бағытталған деп сенеміз. Біз үшін Қазақстанның болашағына өз үлесімізді қосу маңызды. Маңғыстау облыстық «Қазақтелеком» филиалының ұжымы елдің жаңа Конституциясын толық қолдайды, — деді Нұркен Сүйепов.
Филиал қызметкерлері жаңа Конституция мемлекеттілікті нығайтуға және қоғамдық-саяси жүйенің тиімділігін арттыруға жаңа мүмкіндіктер ашатынын атап өтті.
Маңғыстау облыстық Қазақтелеком филиалы белсенді азаматтық ұстанымына адалдығын растайды және елдің дамуы мен өркендеуіне әрі қарай да үлес қосуға дайын екенін білдірді.
