Атырауда полиэтилен шығаратын зауыт салынып жатыр
OTPANNEWS.KZ. - Силлено зауытының құрылыс алаңына алғашқы ілмекті реакторлар жеткізілді. Бұл туралы ҚМГ компаниясының баспасөз қызметі хабарлады.
Атырау облысындағы полиэтилен зауытының құрылыс алаңына полимерлеу қондырғысының негізгі технологиялық жабдықтарының бірі – ілмекті реакторлардың алғашқы сегіз секциясы жеткізілді.
Әр секцияның ұзындығы 67 метрден асады, ал салмағы 77 тоннаға дейін жетеді. Жеткізілген жабдықтың жалпы салмағы 600 тоннадан асады.
Жабдық халықаралық көлік дәліздері арқылы күрделі мультимодальды бағытпен жеткізілді. Бұл жоба аясындағы ең ауқымды логистикалық операциялардың бірі болды.
Айта кетейік, аталған жабдықтың жеткізілуі – Қазақстандағы ең ірі мұнай-газ химиясы жобаларының бірін жүзеге асырудағы маңызды кезең.
27
Комментарии
Комментарии
Нет комментариев
