Ақтауда сарбаздар өртті дер кезінде байқап, сөндіруге кіріскен
Ақтауда қоғамдық тәртіпті қадағалап жүрген Ұлттық ұлан сарбаздары көпқабатты тұрғын үйден шыққан өрт кезінде жедел әрекет етті, деп хабарлайды otpannews.kz.
Кешкі сағат 21:15 шамасында 18-шағынауданды патрульдеп жүрген әскери қызметшілер №5 үйдің жетінші қабатындағы ортақ балконнан өрт шыққанын байқайды.
Оттың көрші пәтерлерге тарау қаупі болғандықтан, сарбаздар бірден қолда бар заттармен жалынды басуға кіріскен. Оқиға туралы кезекші бөлімге де хабар берілген.
Өрт сөндірушілер жеткенше әскери қызметшілер оттың кең жайылып кетпеуіне күш салып, өрт ошағын бақылауда ұстаған.
Оқиға кезінде әскери жасақтың басшысы Самир Хайдаров, сондай-ақ сарбаздар Бақыт Ақылжан мен Төлен Жасұлан белсенді әрекет еткен.
11
Комментарии
Комментарии
Нет комментариев
