Ақтау тұрғындары экология мен абаттандыру мәселелері бойынша қайда шағымдана алады?
Қазақстанда «Таза Қазақстан» акциясы аясында @TazaQazBot Telegram-чат-боты жұмыс істейді. Бұл – тұрғындардың экология және абаттандыру саласындағы түйткілдер туралы тікелей хабарлауына арналған ыңғайлы цифрлық сервис, деп хабарлайды otpannews.kz.
Сервис осыдан екі жыл бұрын іске қосылып, мемлекеттік органдармен байланыс орнатудың үйреншікті арнасына айналып үлгерді. Өтінім жіберу үшін Telegram-чатта авторизациядан өту керек. Сосын мәселенің фотосын жіберіп, мекенжайын көрсету және жағдайды қысқаша сипаттау жеткілікті. Өтінім ешқандай қосымша қоңырауларсыз немесе хаттарсыз автоматты түрде қабылданады.
Платформаның басты артықшылықтарының бірі — ашықтық. Пайдаланушы өтінімнің әрбір кезеңдегі мәртебесін бақылай алады, ал жұмыс аяқталғаннан кейін фотоесепті алып, орындалу сапасына баға беру мүмкіндігі бар.
Барлық өтініштер 21 санат бойынша бөлінеді:
- Аумақтарды жинау және қоқыс шығару;
- Жолдарды жөндеу;
- Жарықтандыру және көгалдандыру;
- Су айдындарын тазарту және т.б.
Бұл жүйе ақпаратты тезірек сұрыптап, тиісті салалық қызметтерге бағыттауға мүмкіндік береді.
2025 жылдың қорытындысы бойынша: Чат-бот арқылы 26 мыңнан астам өтініш келіп түссе, оның 24 мыңнан астамы сәтті орындалды. Ең көп сұранысқа ие санат – аумақтарды жинау.
2026 жылдың бірінші тоқсанында мыңнан астам өтінім түсіп, олардың басым бөлігі оң шешімін тапты.
