Форт-Шевченко қаласында әкім сайлауы өтеді
Түпқараған ауданының орталығы Форт-Шевченко қаласы әкімінің сайлауы 2026 жылдың 1 наурызында өтеді. Сайлауға 3 кандидат ұсынылды, деп хабарлайды otpannews.kz сайты.
Сайлау құқығына ие қала тұрғындары 1 наурыз күні сағат 07:00-ден 20:00-ге дейін дауыс бере алады. Сайлау күні қала бойынша екі сайлау учаскесі жұмыс жасайды.
Кандидаттар:
1. Мұхамбет Ғибрат Ғабдоллаұлы – 1997 жылдың 13 шілдесінде Маңғыстау облысы Маңғыстау ауданында дүниеге келген. Қазір «Сайын Шапағатов ауылдық округі әкімінің аппараты» мемлекеттік мекемесінде әкім орынбасары болып қызмет атқарады.
2. Болжабаев Советхан Фазыловұлы – 1987 жылдың 15 шілдесінде Қостанай облысы Арқалық қаласында дүниеге келген. «Түпқараған аудандық құрылыс бөлімі» мемлекеттік мекемесінде сектор меңгерушісі.
3. Даңшабаев Айбек Амангелдіұлы – 1992 жылдың 5 шілдесінде Маңғыстау облысы Түпқараған ауданында дүниеге келген. «Түпқараған ауданы әкімі аппаратының ұйымдастыру, бақылау бөлімі» мемлекеттік мекемесінде бөлім басшысы.
