Маңғыстауда IV облыстық «Жас турист» слеті өтті
OTPANNEWS.KZ. - 15–16 қазан күндері Маңғыстау ауданы Шайыр ауылының ауылдық паркінде техникалық және кәсіптік білім беру ұйымдарының білім алушылары арасында IV облыстық «Жас турист» туристік слеті өткізілді.
Слеттің негізгі мақсаты – білім алушылардың туристік даярлығын арттыру, көшбасшылық және ұйымдастырушылық қабілеттерін дамыту, кәсіби бағдар беру.
Слетке техникалық және кәсіптік білім беру ұйымдарының 35 білім алушысы қатысты.
Слет 5 бағыт бойынша ұйымдастырылады:
I бағыт – «Таныстыру»;
II бағыт – «Кросс-туризм»;
III бағыт – «Лабиринт»;
IV бағыт – «Антимаятник»;
V бағыт – «Жумаринг».
Слет барысында білім алушылар туристік кедергілерден өту, кеңістікте бағдарлау, қауіпсіздік ережелерін сақтау, топпен жұмыс істеу және көшбасшылық қасиеттерін дамыту бағытында тәжірибе жинақтайды. Сонымен қатар, туған өлкенің тарихи-мәдени мұрасына деген қызығушылықтары артып, туристік-өлкетану жұмыстарына белсенді қатысуға ынталанады.
Слет қорытындысы бойынша Орталықтаң І, ІІ, ІІІ дәрежелі дипломдарымен марапатталды.
🥇 І орын – Ақтау қаласы, Маңғыстау туризм колледжінің «Арлан» тобы;
🥈 ІІ орын – Түпқараған ауданы, Түпқараған гуманитарлық-кәсіптік колледжінің «Түпқараған» тобы;
🥉 ІІІ орын – Ақтау қаласы, Н. Бекбосынов атындағы Маңғыстау энергетикалық колледжінің «Отпан» тобы.
